Sheekh Aadan Maxamed Nuur Sheekh Aadan Madoobe guddoomiyaha gobolaha Baarlamaanka soomaaliya oo maanta ka hor hadlayay Fadhi ay yeesheen Fadhi ee yeesheen Xillibaanada Baarlamaanka soomaaliya ayaa markii ugu horeysay sheegay inuu isaga dagayo xilkaasi.

Arintaasi ayaa ka dambeysay, kadib markii muddooyinkii ugu dambeeyay xillbaanada baarlamaanka soomaaliya oo soo xaadiri waayeen fadhi ay lahaayeen baarlamaanka soomaaliya.

Wuxuuna xillibaanada u sheegay in ay xilkooda si daacad ah ugu shaqeeyaan shacbiga ay wakiilka ay ka yihiin, haddii aan sidaasi la yeeli karin waan inaan isaga kala tagnaa xarunta baarlamaaka ayuu yiri guddoomiyaha baarlamaanka.

Xillbaanada baarlamaanka oo maanta kulan ku yeeshay xaruntooda magaalada Baydhabo ayaa sidoo kale war bixin loogu dhageystay wafdi xaqiiq raadin ah oo dhawaan booqosho ku tagay inta u dhaxeysa Muqdisho iyo Afgooye, Xubnahaasi oo horkacayo guddoomiye ku xigeenka labaad ee baarlamaanka soomaaliya Cusmaan Cilmi Boqore.

Guddoomiye ku xigeenka labaad ayaa war bixin looga dhageystay waxyaabihii ay la kulmeen intii kormeerka ku jireen, waxa uuna sheegay in dadka soo barakacay ay ku sugan inta u dhaxeysa Muqdisho iyo Afgooye, xilligaani ay heysato dhibaatooyin aad u liita.

Dhinaca kale guddoomiyaha baarlamaanka soomaaliya waxa uu ka dhawaajiyay in ra`iisal wasaaraha soomaaliya oo u soo gudbiyay golaha baarlamaanka qorshihiisii ku aadanaa dib u heshiisiinta uu la galayo kooxaha dowladda ka soo horjeedo.

Ugu dambeyntii,waxa  uu sheegay in arintaasi go`aan ay ka gaari doonaa maalmaha soo socda xillibaanada baarlamaanka soomaaliya oo fadhigoodu yahay magaalada Baydhabo.

Beydhabo

Abdi Aden